Barafunda de entroido!!

VENRES:

Rúa Peonil do Calvario a partir das 12:00h
Arrancamos o ENTROIDO xogando en casa, co noso xa tradicional desfile pola rúa peonil do Calvario acompañando á rapazada do CEIP O POMBAL. Con que disfraces nos soprenderán este ano??

Colexio Rosalía de Castro:
Espectáculo: Preséntame un Pallaso para a rapazada do colexio Rosalía de Castro.


 

Salvaterra de Miño, pavillón de Leirado.
Desfile coa rapazada dos colexios do Concello de Salvaterra, presentación e xogos musicais!!

SÁBADO:

Pavillón Municipal de Baiona ás 18:00h
O sábado en Baiona a música e a festa corren da nosa parte!! Discomóbil con xogos, pompas e moitísima diversión!!! Ademáis da discomóbil haberá inchables e antes das 18:00h obradoiros e outras actividades.

DOMINGO:

Porta do Sol, Vigo ás 17:00h

Contacontos: O CENSOR DE MONSTROS. Fagamos un percorrido co avó Cristovo e coñezamos aos monstros e as personaxes típicas galegas!!





Asociación de veciños O Freixo ás 17:30h

Na asociación de veciños de O Freixo, Valadares, estará o Gran Xabi co seu espectáculo no que mestura maxia, ilusión e risas a gargalladas!

LUNS:

Lonxa do Concello de Vigo ás 17:00h
GLOBOTOLO, espectáculo de globos!! No que descubriredes a cantidade de posibilidades que pode ter un globo.

Praza do mercado de Teis ás 17:00h
Desfile de entroido da rapazada do Monte da Guía presentado polo Gran Xabi e espectáculo de Maxia ao rematar!

MARTES:

Lonxa do Concello de Vigo ás 17:30h
Bambolina, espectáculo clown!!

 

Desfile de entroido no concello de Dodro ás 17:00h
Desfile de entroido presentado polo Gran Xabi!

O nadal do Apalpador de Barafunda

Por todas e todos é coñecida a nosa devoción por este entrañable personaxe do nadal galego!! Un home, de profesión carboeiro, amable e bonachón que vive nos montes do Courel e que baixa no nadal para repartir castañas e xoguetes de madeira ás nenas e nenos mentres durmen.

Por aquí vos achegamos algunhas das datas que ten o Apalpador de Barafunda para este nadal! Temos algunhas visitas do Apalpador en solitario, acompañado do seu séquito e tamén o noso contacontos (do que tamén temos o conto editoado) Antón e o Apalpador. Tomade nota!

21- decembro- Visita do Apalpador no EEI Monte da Guía.

22-decembro- DÍA DO APALPADOR

22- decembro- contacontos Antón e o Apalpador na zona peonil do Calvario ás 12:00h.

22- decembro- visita do Apalpador en Barbadás ás 19:00h.

23- decembro- visita do Apalpador en Xinzo de Limia ás 11:00h.

23- decembro- Visita do Apalpador e do seu séquito polas rúas de Padrón ás 19:00h.

23- decembro- contacontos Antón e o Apalpador no Centro cultural As Pedriñas (Tameiga, Mos) 18:00h.

26- decembro- contacontos Antón e o Apalpador en Cambados.

E como non somos @s únic@s "fans" do Apalpador, vos deixamos para que lle botedes un ollo a páxina Apalpador.gal , onde podedes enviar a vosa carta ao Apalpador, atopar contidos interesantes sobre esta personaxe, así como unha axenda con TOOOOODOS OS EVENTOS DO APALPADOR EN GALICIA!!! Un traballazo que hai que agradecer e sobre todo partillar!!

Boas festas e moitísima barafunda para tod@s!!
 

Barafunda de verán!! Xullo 2017.

Verán é a nosa estación favorita do ano!!! É tempada de campamentos, espectáculos, contacontos, festas, vodas, maxia, obradoiros, sorrisos, diversión, globos e moita, moita, moitííííííííííísima BARAFUNDA!!!

Por aquí vos deixamos algunhas datas que temos previstas para este mes: 

  

Este sábado, 15 xullo, ás 19:30h "Pepiña Maruxiña quere voar" na Praza de Fefiñáns (Cambados)

O martes 18 xullo ás 19:30h "O Censor de Monstros" andará na procura de monstros e moita diversión na Praza da Perillana (Ponteareas).

O martes 25 de xullo ás 18:00h, espectáculo de maxia clown para toda a familia, "Maxia Branca" en Dorrón (Sanxenxo).

 

E o sábado 29 xullo ás 19:00h a nosa "Traíña" máis tola andará animando as rúas de Ponteareas.

Día das Letras Galegas con Barafunda

Se nos coñecedes, ou se levades algún tempiño seguíndonos nas redes, ben saberedes o amor que desde Barafunda lle profesamos a nosa língua! Para nós tódolos días son o Día das Letras Galegas!!

En Barafunda, complementamos a nosa actividade no mundo da animación coa nosa propia Editorial. Desde un principio apostamos pola creación de proxectos integrais, tratando de poñer en valor a nosa cultura e tradición galegas, a literatura e ilustración infantís e @s súas creador@s. 

Por iso este ano estamos especialmente content@s con que se adique este día a Carlos Casares, que entre outros xéneros, cultivou a Literatura Infantil da que tanto gostamos, e moi ben cultivada! "A galiña azul", "As laranxas máis laranxas de tódalas laranxas", "Un polbo xigante" ou "Lolo anda en bicicleta" entre outras tantísimas obras...

En Barafunda este ano festexamos este día das Letras Galegas cunha cita dobre en Ponteareas!! A partir das 18:00 horas, na Praza Maior, agardámosvos con "Pepiña Maruxiña quere voar" e con "As aventuras de Lela e Lolo"!!

http://www.comarcasnarede.com/index.php/o-condado/item/7030-o-concello-de-ponteareas-e-as-panaderias-difunden-a-figura-de-carlos-casares 

http://www.farodevigo.es/comarcas/2017/05/17/danzas-mundo-espectaculo-infantil-ponteareas/1680499.html

O Censor de Monstros

Novo conto de Barafunda Editorial!!!

O pasado 3 de decembro presentabamos no Culturgal o noso novo conto, O censor de monstros, escrito por Patricia G. Varela e ilustrado por David Bastos. 

Agora, énchenos de orgullo (e satisfacción) comunicarvos que xa podedes atopar O Censor de Monstros nas librarías!!

Escaparate da libraría A Pita Cega (Vigo)

Ven coñecer a Leda e máis co seu avó Cristovo os moitos monstros e seres fantásticos que viven por toda Galicia. Vivirá algún preto de ti e aínda non o sabes?

E como o avó Cristovo é un moderno, tamén abriu un blogue e un twitter no que irá contando as súas viaxes e aventuras!! Non lle perdades a pista!! 

O día do Apalpador

Xa levamos uns aniños participando desta festa tan bonita adicada ao noso benquerido Apalpador! Este ano non iamos ser menos! 

 O venres 23 de decembro o Casco Vello de Vigo prepárase para recibir á figura máis senlleira do Nadal galego! Obradoiros, contacontos, música, baile, castañas e moitas máis sorpresas para recibir ao Apalpador!! 

Botádelle un ollo ao cartaz tan bonitiño e non perdades detalle de tódalas actividades:

Ademais sodes moitas e moitos @s que preguntades onde podedes facervos cunha camisola do Apalpador, pois o venres estarán á venda por 10 euriños. Bulide porque... quítannolas das mans!! 

Este nadal... MOITA BARAFUNDA!!

Aquí vos deixamos parte da programación barafundeira para desfrutar destas datas en familia!!

E tamén os obradoiros que temos preparados para @s máis peques da casa!! 

Pepiña Maruxiña quere voar, o libro!!

Por fin podemos anunciar que Pepiña Maruxiña quere voar xa é un conto ilustrado!!

Moitos coñecedes a historia desta xoaniña a través do noso contacontos, que xa leva nada máis que catro anos percorrendo auditorios, centros escolares, festas privadas... de toda Galicia.

Dende Barafunda editorial, no noso compromiso coa literatura infantil en galego, estivemos moitos meses traballando neste novo proxecto. Pepiña Maruxiña quere voar é o noso terceiro conto infantil ilustrado e agardamos que teña o mesmo éxito que os anteriores.

Para a súa presentación estaremos venres, sábado e domingo no Culturgal 2013 (Pazo da Cultura de Pontevedra). Alí o poderedes adquirir en primicia mentres non chega ás máis de 100 librerías de toda Galicia polas que o distribuiremos. 

No noso stand, ademais de amosar o noso traballo realizaremos diferentes actividades para todos vós: maquillaxe infantil, visita do Apalpador, obradoiro de globoflexia... 

Agardamos veros a todos no noso espacio do Culturgal! Como aperitivo, aquí vai o vídeo promocional do noso novo proxecto:

Pepiña Maruxiña quere voar from Barafunda on Vimeo.

Agardamos que vos guste tanto como cariño puxemos para facer realidade este conto :)

Espectáculos no Colexio Nosa Señora de Lourdes (A Estrada)

O pasado día 24 estivemos no Colexio Nosa Señora de Lourdes (A Estrada) con dous espectáculos.

Para os máis pequenos, os alumnos de educación infantil, representamos o espectáculo "Pepiña Maruxiña quere voar". 

Click aquí para ver máis fotos

Despois, para os alumnos de educación primaria levamos o espectáculo "Preséntame un pallaso". 

Click aquí para ver máis fotos

O asombro, a alegría e a tenrura que transmiten estes espectáculos reflectiuse nas caras dos  alumnos e profes durante toda a xornada. 

Dende aquí queremos agradecer ó Colexio, e especialmente ó ANPA,  por contar con nós para facer dese día un día diferente e, sobre todo, moi especial. 

Presentación "Xan das Ondas"

Este domingo presentamos o novo contacontos "Xan das Ondas"!!!

Nesta ocasión coñeceremos a Xan, un rapaz ó que lle gusta moito o mar. Unha mañá descubre que non ten ondas e parece que está moi enfermo, así que emprende unha gran aventura adentrándose no máis profundo dos océanos para descubrir por que o mar non ten ondas. Nesta viaxe Xan fará moitos amigos e coñecerá ós habitantes dos mares. ¿Conseguirá Xan salvar ó mar da súa doenza?

Se queres saber se o logra, ¡non podes faltar!

¿Cando? O domingo 22 ás 18:00 h. (apertura de portas ás 17:45h. ata completar o aforo: 120 persoas)

¿Onde? No Museo Verbum (Avda. de Samil, 17. Vigo)

¿Para quen? Para público familiar. Haberá intérprete de lingua de signos.

¿Por canto? De balde

Próxima actuación:

Agardámosvos!!!

A casa do rato Renato na Biblioteca Neira Vilas

Con motivo do Samaín, Barafunda estivo na Biblioteca Neira Vilas (Martínez Garrido, Vigo) co seu contacontos "A casa do rato Renato".
Unha historia ambientada na época na que nos atopamos, que conta como Renato andaba na procura dunha cabaza para facer a súa casa. Sen sabelo, Renato vaise mergullar na noite do Samaín descubrindo as tradicións das festas do Magosto.

Máis fotos aquí

E despois de gozar desta emotiva historia, os nenos e nenas puideron ir para casa con maquillaxes terroríficos: meigas, espíritos, vampiros...

Reconquista Vigo 2011

Con motivo da Festa da Reconquista de Vigo, os “barafundos” estivemos alí para ofrecer un dos nosos espectáculos e, como non, para festexala.

Por segundo ano consecutivo, tralo éxito acadado no 2010 coa actuación “Reconquistando sorrisos”, a organización contou connosco. Nesta ocasión presentamos o traballo en formato de contacontos “Pepiña Maruxiña quería voar”, baseada nunha cantiga e tradición popular galega:

Voa voa

Voa maruxiña voa

Polas rúas de Lisboa

Que o teu pai

e a túa nai

coméronche a boroíña toda

Voa voa

voa maruxiña voa

        Como poderedes ver nas seguintes fotografías, os cativos (e non tan cativos...) gozaron desta divertida historia onde se van coñecendo diferentes insectos que habitan no xardín.

       E trala actuación, como non podería ser doutra forma, unímonos á festa enchendo o bandullo ata que chegou a hora de presenciar e participar na representación da reconquista viguesa.

(Click aquí para ver máis fotos)