O nadal do Apalpador de Barafunda

Por todas e todos é coñecida a nosa devoción por este entrañable personaxe do nadal galego!! Un home, de profesión carboeiro, amable e bonachón que vive nos montes do Courel e que baixa no nadal para repartir castañas e xoguetes de madeira ás nenas e nenos mentres durmen.

Por aquí vos achegamos algunhas das datas que ten o Apalpador de Barafunda para este nadal! Temos algunhas visitas do Apalpador en solitario, acompañado do seu séquito e tamén o noso contacontos (do que tamén temos o conto editoado) Antón e o Apalpador. Tomade nota!

21- decembro- Visita do Apalpador no EEI Monte da Guía.

22-decembro- DÍA DO APALPADOR

22- decembro- contacontos Antón e o Apalpador na zona peonil do Calvario ás 12:00h.

22- decembro- visita do Apalpador en Barbadás ás 19:00h.

23- decembro- visita do Apalpador en Xinzo de Limia ás 11:00h.

23- decembro- Visita do Apalpador e do seu séquito polas rúas de Padrón ás 19:00h.

23- decembro- contacontos Antón e o Apalpador no Centro cultural As Pedriñas (Tameiga, Mos) 18:00h.

26- decembro- contacontos Antón e o Apalpador en Cambados.

E como non somos @s únic@s "fans" do Apalpador, vos deixamos para que lle botedes un ollo a páxina Apalpador.gal , onde podedes enviar a vosa carta ao Apalpador, atopar contidos interesantes sobre esta personaxe, así como unha axenda con TOOOOODOS OS EVENTOS DO APALPADOR EN GALICIA!!! Un traballazo que hai que agradecer e sobre todo partillar!!

Boas festas e moitísima barafunda para tod@s!!
 

CULTURGAL 2017

Xa está aquí, xa chegou... O CULTURGAL 2017!!!!

E nós como somos unh@s namorad@s da nosa terriña e de todo canto se fai nela, non podiamos perder a nosa cita anual coa Feira de Industrias Culturais máis grande do país!! Coma tódolos anos estaremos os tres días, do venres 1 de decembro ata o domingo 3 no noso stand. Que teremos preparado este ano??

Ademais das actividades oficiais, como son as visitas guiadas para os coles o venres pola mañá, temos moitas cousiñas preparadas!! Tomade nota!

Para o venres á tarde, de 17:00h a 20:00h, pintacaras para @s máis peques coa nosa querida Marian Simon! 

Por outra banda o sábado de 12:00h a 13:00h teremos para tod@s @s amantes da literatura e a ilustración galega, a firma de libros d@s autor@s do conto infantil O censor de monstros, Patricia G. Varela e David Bastos.

Pero ei! Que a cousa non acaba aquí!!! Pois, na tardiña, non vos podedes perder ás 20:30 o espectáculo de clown "Globotolo", que de seguro lle sacará un sorriso a grandes e pequen@s!

Ao día seguinte, o domingo ás 12:00h teremos novamente unha sinatura de contos, esta vez coa visita de Francisco Ameixeiras, o ilustrador de nada máis e nada menos que de Pepiña Maruxiña quere voar, Antón e o Apalpador, e a Casa do rato Renato. Unha marabilla de contos!!

E para finalizar este evento con toda a ledicia do mundo, durante a tarde do domingo haberá globoflexia da man d@s nos@s monis. Quen sabe con que formas nos sorprenderán??

Así que xa sabedes!! Reservade na axenda estes diíñas, que temos moitas sorpresas e moita Barafunda para repartir!!

A casa do rato Renato

A CASA DO RATO RENATO, CONTO INFANTIL EN GALEGO.

Como xa sabedes, en Barafunda somos moi "fans" das festas e tradicións da nosa terriña. 

En outono é tempo de cabazas e castañas, de Samaín e de Magostos. O universo que xira en torno a estas dúas festas tradicionáis galegas ven recollido no conto A casa do rato Renato, con textos de Manuel Castro Lima e Mª del Mar Ameixeiras Sánchez e ilustracións do artista Francisco Ameixeiras Sánchez. 

Sete anos despois da súa publicación por vez primeira, reimprimimos este contiño tan xeitoso, 1000 novos exemplares quentiños, listos para distribuír nas librarías! Se estades interesad@s en adquirir este ou outro dos nosos títulos podedes contactarnos a través deste blogue, no 986221218, nas redes sociais ou enviando un correo a barafunda@barafundaanimacion.com.

 

 

SAMAÍN 2017 CON BARAFUNDA!!

 

Anotade nas vosas axendas se queredes pasar un samaín terroríficamente divertido con nós...

VIGO: 

Comezamos as actividades na Zona Náutico, en horario de 17:00 a 21:00h o durante toda a fin de semana! E o martes xogaremos ao Truco ou trato polos locais da zona, vémonos no Náutico!!

O martes pola mañá temos un diveridísimo pasarrúas co@s peques do colexio Pombal no noso querido barrio do Calvario!! Que nos terán preparado est@s pequen@s monstruiñ@s??

E pola tarde de 17:00 a 20:00 estaremos na Porta do Sol tamén facendo obradoiros!!

SALVATERRA DE MIÑO:

En Salvaterra temos dobre cita, o venres 27, ás 16:00h sesión de maquillaxes e tatus terroríficos!! E o martes 31, só para @s máis temerari@s, ROTEIRO NOCTURNO!!

O GROVE:

O sábado de 20:00 a 00:00h estaremos na Biblioteca Municipal do Grove facendo arrepiantes obradoiros, maquillaxes terroríficas e contando historias de medo!!

Barafunda viaxa a Ghana

A nosa queridísima Laura xa levaba tempo coa idea rondando no maxín... quería marchar de voluntariado a Ghana, a levar sorrisos e moitos globos de cores aos nenos e nenas que viven alí!!   

Desde Barafunda quixemos colaborar modestamente con esta aventura tan necesaria como ilusionante. Agardamos que @s peques aprenderan e se divertiran moito nos talleres de globoflexia de Laura!! Por aquí vos deixamos algunhas fotiños que nos fai chegar desde alá:

Moita Barafunda nos barrios de Vigo!

Esta semana, con motivo das festas da nosa cidade, estaremos nos barrios de Vigo facendo un pouquiño de todo... Obradoiros, animación de rúa, ludoteca e tamén espectáculos!! Arrancamos hoxe ás 17:00h, tomade nota!!

Luns 31 en Teis, fronte do Mercado.
Martes 1 na zona peatonal do Calvario
Mércores 2 na Praza Independecia
Xoves 3 na alameda  Bouzas
Venres 4 na rúa Teixugueiras en Navia 









Os obradoiros, xogos e animación de rúa serán de 17:00 a 19:00h e de 19:00 a 20:00h... ESPECTÁCULO INFANTIL!!


Alí vos agardamos!!

Barafunda de verán!! Xullo 2017.

Verán é a nosa estación favorita do ano!!! É tempada de campamentos, espectáculos, contacontos, festas, vodas, maxia, obradoiros, sorrisos, diversión, globos e moita, moita, moitííííííííííísima BARAFUNDA!!!

Por aquí vos deixamos algunhas datas que temos previstas para este mes: 

  

Este sábado, 15 xullo, ás 19:30h "Pepiña Maruxiña quere voar" na Praza de Fefiñáns (Cambados)

O martes 18 xullo ás 19:30h "O Censor de Monstros" andará na procura de monstros e moita diversión na Praza da Perillana (Ponteareas).

O martes 25 de xullo ás 18:00h, espectáculo de maxia clown para toda a familia, "Maxia Branca" en Dorrón (Sanxenxo).

 

E o sábado 29 xullo ás 19:00h a nosa "Traíña" máis tola andará animando as rúas de Ponteareas.

Barafunda Medieval e Salvaterra Milenaria

En Barafunda encántanos a Temática Medieval e as festas que recrean esta época.
Como mostra, este pedazo de vídeo da Batalla das Flores do ano pasado en Pontevedra, o noso Dragón custodiado por un auténtico exército cruzado!!




A semana pasada tivemos o pracer de estar en Salvaterra de Miño conmemorando a orixe da Vila. 

Desde Barafunda encargámonos de facer unha representación teatralizada do momento da cesión de
Salvaterra por parte do Rei Bermudo II ao bispo Pedro Martínez de Mosoncio e á igrexa compostelá, hai máis de 1000 anos!! 

Ademais, tamén nos fixemos cargo da ambientación medieval da Fortaleza:

E ao rematar o acto, pasámolo pipa, xogando co@s cativ@s con xoguetes tradicionais:

E por aquí vos deixamos algunhas fotiños ben bonitas que compartiron desde o propio Concello de Salvaterra: 

                  

Día das Letras Galegas con Barafunda

Se nos coñecedes, ou se levades algún tempiño seguíndonos nas redes, ben saberedes o amor que desde Barafunda lle profesamos a nosa língua! Para nós tódolos días son o Día das Letras Galegas!!

En Barafunda, complementamos a nosa actividade no mundo da animación coa nosa propia Editorial. Desde un principio apostamos pola creación de proxectos integrais, tratando de poñer en valor a nosa cultura e tradición galegas, a literatura e ilustración infantís e @s súas creador@s. 

Por iso este ano estamos especialmente content@s con que se adique este día a Carlos Casares, que entre outros xéneros, cultivou a Literatura Infantil da que tanto gostamos, e moi ben cultivada! "A galiña azul", "As laranxas máis laranxas de tódalas laranxas", "Un polbo xigante" ou "Lolo anda en bicicleta" entre outras tantísimas obras...

En Barafunda este ano festexamos este día das Letras Galegas cunha cita dobre en Ponteareas!! A partir das 18:00 horas, na Praza Maior, agardámosvos con "Pepiña Maruxiña quere voar" e con "As aventuras de Lela e Lolo"!!

http://www.comarcasnarede.com/index.php/o-condado/item/7030-o-concello-de-ponteareas-e-as-panaderias-difunden-a-figura-de-carlos-casares 

http://www.farodevigo.es/comarcas/2017/05/17/danzas-mundo-espectaculo-infantil-ponteareas/1680499.html

Campamento Arenteiro Rock

Chega por vez primeira a Barafunda o CAMPAMENTO ROCK!!! 

Do 23 ao 30 de xullo, nas instalacións do colexio Vila de Arenteiro, O Carballiño, @s peques da casa terán a oportunidade de convertirse en auténticas estrelas do Rock!! 

Desde Barafunda cremos que a música é quen de promover formas reais de ocio no tempo libre, á vez que contribúe a unha formación completa das cativas e cativos.

O Campamento Arenteiro Rock está pensado para formar musicalmente ás nenas e nenos desde un punto de vista lúdico, construindo unha experiencia completa e inesquecible!!

Tod@s @s participantes experimentarán cos diferentes instrumentos, ademáis cada día estará adicado a unha década (desde os anos 50 ata a actualidade). Así nunha semana os nenos e nenas acadarán unha visión xeral e motivadora da historia do rock, chegando a formar as súas propias bandas emulando aos seus ídolos e creando composicións propias. 

Para que vos fagades una idea de que ben o pasan @s peques experimentando coa música, deixámosvos unas imaxes da Escola Rock que levamos a cabo no Parque Infantil de Nadal de Vigo no 2014: 

Para reservar praza ou para calquera dúbida que teñades, consultádenos en barafunda@barafundaanimacion.com ou no 986221218 sen compromiso algún!

Longa vida ao Rock and Roll!!! 

Xira INERTTES!!

MOITO OLLO!!! 

Agarrádevos forte ás butacas e preparádevos para o que ven... porque durante os próximos meses os INERTTES estarán xirando pola península!!!

O pasado venres 3 de marzo, os Inerttes encheron a Iguana na presentación do seu novo traballo, "Zona 16mm", achegamos a crónica do concerto das colegas do Colectivo de Raro propósito.

Esta finde comezan a súa xira pola península: o sábado na Fábrica de Chocolate en Vigo e o domingo na Mardi Grass na Coruña, acompañados de El Capitán Elefante!!

Por aquí vos deixamos as datas pechadas ata o momento para que tomedes nota ben grande nas vosas axendas:

S29 ABRIL VIGO
D30 ABRIL A CORUÑA...
S06 MAYO MADRID
V19 MAYO OURENSE
V02 JUNIO CANGAS
V28 JULIO LUGO
S29 JULIO SANTANDER
S19 AGOSTO VIGO
V29 SEPTIEMBRE PAMPLONA
V06 OCTUBRE CASTELLÓN
S07 OCTUBRE MURCIA

E para ir quecendo motores, podedes escoitar en YouTube o primeiro single, Lobos!!

Ademais, o disco completo está disponible no seu bandcamp e en spotify!!

Desde Barafunda Recors estamos orgullosísim@s con este discazo que para eles é máis que un fillo!!

Vémonos nas salas!! E como dirían os Inerttes... MOITO ROCK!!! 

IV Campamento Pirata na Illa de San Simón

Énchenos de ledicia comunicarvos que este ano 2017 volta o noso CAMPAMENTO PIRATA na incrible Illa de San Simón!!

Xa é a cuarta edición deste campamento no que os nenos e nenas desfrutarán da máxica illa e das súas instalacións realizando actividades acuáticas como paddle surf ou kayak, buscando o tesouro do Capitán Nemo ou coñecendo nov@s @s amig@s c@s que desfrutar da aventura!!
Non deixedes de ver este vídeo que resume o espíritu pirata do noso campamento:

Tamén vos deixamos por aquí un pouquiño de información xeral do campamento, con algunhas das actividades que levaremos a cabo e co material necesario, así como o prezo e o horario de saída e de chegada:

E se estades interesad@s en apuntar @s vos@s fill@s, deixámosvos a folla de inscrición:

Calqueira cousiña non dubidedes en contactar con nós, ben a través d noso Facebook, por correo electrónico en barafunda@barafundaanimacion.com ou por teléfono no 986221218.
Non quededes sen praza!!

Axenda entroideira!!

SÁBADO 25:

• 17:30h Festa de entroido na Asociación de veciños de Borreiros.

 DOMINGO 26:

• 17:00h Espectáculo Xan das Ondas na Porta do Sol, Vigo.
•  Animación entroideira nas rúas de Padrón.

 LUNS 27 FEBREIRO

• 12:00h  Contacontos Pepiña Maruxiña quere voar na Feira Mundo Nen@s no Recinto Feiral de Pontevedra.

• 17:30h Espectáculo Maxia Branca na Lonxa do Concello.
• 17:00h Festa de Entroido no Centro Cultural Helios en Bembrive.

MARTES 28 FEBREIRO

• 12:00h Contacontos Pepiña Maruxiña quere voar na Feira Mundo Nen@s no Recinto Feiral de Pontevedra.
• 17:00h Desfile de Entroido no Pavillón de Dodro.
•  17:30h Espectáculo Maxia Xabi na Lonxa do Concello.

1 MARZO

•  17:00h Maquillaxe de entroido en Salvaterra
• 20:00h Espectáculo Maxia Branca no Grove

• 

Sen esquecernos das actividades no Náutico, que comezan desde hoxe mesmo!!