SAN SIMÓN, V CAMPAMENTO PIRATA DE BARAFUNDA!

Un ano máis... volta o tan esperado CAMPAMENTO PIRATA de Barafunda na Illa de San Simón!!

Abrimos inscricións para a V edición do campamento pirata máis divertido do verán!! Este ano combinaremos actividades acuáticas (paddle surf e kayak) con divertidísimas actividades, xogos en inglés, obradoiro de cociña, astronomía e... gravaremos unha curta!

Unha semana curta pero intensa, chea de emocións, aventuras e diversión!

Se facedes click aquí accededes directamente á plataforma de inscrición. Para reservar praza precisamos os datos que nela solicitamos, unha copia da tarxeta sanitaria d@ participante no campamento e o xustificante bancario do pagamento (pódese facer fraccionado en dúas cotas).
 E por aquí vos deixamos o video promocional do campamento, para que vos fagades unha idea da experiencia!

Calqueira cuestión non dubidedes en contactar con nós, ben a través d noso Facebook, por correo electrónico escribindo a barafunda@barafundaanimacion.com ou chamando ao 986221218.
Non quededes sen praza!!

IV Campamento Pirata na Illa de San Simón

Énchenos de ledicia comunicarvos que este ano 2017 volta o noso CAMPAMENTO PIRATA na incrible Illa de San Simón!!

Xa é a cuarta edición deste campamento no que os nenos e nenas desfrutarán da máxica illa e das súas instalacións realizando actividades acuáticas como paddle surf ou kayak, buscando o tesouro do Capitán Nemo ou coñecendo nov@s @s amig@s c@s que desfrutar da aventura!!
Non deixedes de ver este vídeo que resume o espíritu pirata do noso campamento:

Tamén vos deixamos por aquí un pouquiño de información xeral do campamento, con algunhas das actividades que levaremos a cabo e co material necesario, así como o prezo e o horario de saída e de chegada:

E se estades interesad@s en apuntar @s vos@s fill@s, deixámosvos a folla de inscrición:

Calqueira cousiña non dubidedes en contactar con nós, ben a través d noso Facebook, por correo electrónico en barafunda@barafundaanimacion.com ou por teléfono no 986221218.
Non quededes sen praza!!

Resumo das últimas semanas

Coa carga de traballo destes días non tivemos tempo de informaros sobre as actividades que íamos realizando. Hoxe vos amosamos algunhas delas.

Animación nas excursións escolares a San Simón. Centos de nenos e nenas de diversos colexios visitaron a Illa antes de rematar as clases. Nós estivemos alí para facer desa visitas un acto máis especial se cabe. 

Actuación "Xan das Ondas" na festa de fin de curso da ANPA Picariños, en A Estrada: 

http://www.catrogatos.com/2013/06/o-samana-acolle-a-festa-de-fin-de-curso-da-anpa-picarinos/

Maquillaxe infantil no C.C. Gran Vía con motivo do seu aniversario: 

Presentación e animación do concurso infantil de disfraces dos anos 50, con motivo do aniversario do C.C. Gran Vía:

Actuación "QTKgas" na festa de fin de curso de FESANPAS: 

http://www.catrogatos.com/2013/06/fesanpas-celebra-o-fin-de-curso/

Espectáculo "Maxia Xabi" en Arbo e en Cuntis: 

Pasarrúas na Batalla das Flores de Ourense: 

Campamento Pirata Illa de San Simón:

Ademais de outras actividades das que non temos fotos como festas privadas, festas de fin de curso noutros colexios, animacións para asociacións, etc.

E aínda queda moito verán por diante!!!!

Campamento Pirata Illa de San Simón

Hoxe mesmo ábrese o prazo de incrición para o Campamento Pirata Illa de San Simón!!

Esta actividade nace para cubrir a demanda dun campamento de verán de calidade, onde a oferta de actividades atraintes xunto cun entorno único fagan deste campamento unha experiencia inolvidable e enriquecedora. 

O campamento é do 1 de xullo ó 7 de xullo. Está destinado a rapaces e rapazas de 7 a 12 anos interesados en vivir grandes aventuras cheas diversión, á vez que fan novos amigos. 

O emprazamento escollido é a Illa de San Simón (Redondela), en plena Ría de Vigo. 

Dentro da Illa faremos uso das súas instalacións, que inclúen dormitorios dobres con baño propio, aulas multiusos, comedor, e todo o necesario para unha estancia agradable e cómoda tras xornadas diarias cheas de actividade e divertimento.

 Durante os sete días que dura o campamento, realizaranse numerosas actividades entre as que cabe destacar:

• Actividade en kayak
• Actividade de vela
• Búsqueda do tesouro de Francis Drake
• Actividades creativas
• Xogos
• Obradoiros
• Veladas
• Olimpiadas piratas
• Espectáculo de maxia (Mago Xabi)
• ...

Todo o equipo de monitores son especialistas nas distintas áreas e posúen amplia experiencia. Todos eles están coordinados por un director que está respaldado por un equipo  de profesionais formado por educadores e monitores e directores de tempo libre. 

O prezo é de 250€ todo incluído:

• aloxamento en habitación dobre con baño propio
• servizo de comedor
• actividades de campamento e náuticas
• seguro de responsabilidade civil
• seguro federativo en actividades náuticas
• póliza de accidentes
• servizo de evacuación permanente
• dispoñibilidade dun barco para o transporte dende a Illa e ata a Illa.

As prazas son limitadas para os primeiros 50 participantes en inscribirse. Podes descargar a ficha de inscripción aquí: 

Para calquera información adicional podedes escribirnos a barafunda@barafundaanimacion.com ou chamar ó 986 221 218.